Көрме

28 шілде 2025 жылы "Жас Ұлан" аула клубының белсенділері «Мейірімділік бұрышы» атты көрме ұйымдастырды. Бұл көрме — тек ақпараттық бұрыш емес, қоғамдағы ізгілік пен жанашырлықты насихаттайтын маңызды бастама болды.

Көрменің мақсаты:
1. Қоғамда мейірімділік құндылықтарын насихаттау – адамдардың бір-біріне деген қамқорлығын, сыйластығын және жанашырлығын арттыру.
2. Балалардың бойында ізгілік қасиеттерін дамыту – оқушыларды қайырымдылыққа, достыққа, жанашырлыққа тәрбиелеу.
3. Жас ұрпақтың рухани-адамгершілік әлеуетін көтеру – адамгершілікке, ізгі істер жасауға ынталандыру.
4. Қоғамда белсенді азаматтық ұстаным қалыптастыру – өзгеге көмек беруге дайын тұратын, жауапты тұлға тәрбиелеу.
5. Жақсылық жасауға шабыттандыру – балалар мен жасөспірімдерді жақсы істерге баулу, өз іс-әрекеттеріне жауапкершілікпен қарауға үйрету.
Эссе: "Мейірімділік – жүректен шығатын шуағы"
Мейірімділік – бұл адам бойындағы ең асыл қасиеттердің бірі. Ол сөзбен емес, іспен көрінетін әрекет. «Мейірімділік бұрышы» көрмесін тамашалаған әрбір адам жүрегіне жылу ұялатып, айналасына жақсы көзбен қарауға, жақсылық жасауға ұмтылды. Көрме барысында балалар өз қолдарымен салған суреттер, мейірімділік туралы жазылған эсселер, еріктілер тобының қарт ұстаздарға жасаған жұмыстарынан фотосуреттер көрсетілді.
Бұл көрме бізге мейірімділіктің ұлтқа да, жасқа да, уақытқа да бөлінбейтінін көрсетті. Бір сәттік күлкі, жылы сөз, көмектескен қол — бәрі де үлкен мағынаға ие. Әр адам кішкентай жақсылықтан бастап, үлкен өзгеріске себепкер бола алады.
Мейірімділік – бұл жай қасиет емес, бұл – өмір сүру салты. Осындай шаралар арқылы балалар бойында ізгілікке, жауапкершілікке, өзгеге жанашыр болуға деген ықылас оянады. Бұл көрменің басты жетістігі – әр баланың жүрегінде жақсылық ұрығын себу болды.