2025 жылдың 31 наурыз күні мектебіміздің 6 ә сынып оқушылары сынып жетекшілері Ауезова Замзагуль Тургуновнамен бірге, қаламыздың «Өлкетану» мұражайына саяхат жасап барды. Мұражайға саяхат жасау тұлғаның үйлесімді дамып, қалыптасуына зор ықпалын тигізеді. Сонымен қатар, оқушыларды ұлтжандылыққа, мәдениеттілікке, өз елінің тарихын құрметтеуге тәрбиелеп, шежірелі өлкенің тарихын біліп қана қоймай, оны сүйіп, құрметтеу әрбір азаматтың міндеті екендігін жете түсінуіне көмектеседі. Оқушылардың бойында Отанға, елге деген патриоттық сезімдерін оятады. Мұражай қызметкерлері оқушыларды ерекше ілтипатпен қарсы алып, мұражай туралы толық ақпарат беріп, сұрақтарына жауап берді. Біздің мақсатымыз- тарихи ескерткіштерді, өнер туындыларын, мәдени құндылықтарды шығармашылық өнермен және туған жеріміздің мәдениетімен таныстыру еді. Білімді де тәрбиелі ұрпақ тәрбиелеу — біздің басты міндетіміз.