«Сыңғырла, соңғы қоңырау» салтанатты жиын.

«Сыңғырла, соңғы қоңырау» салтанатты жиын.
2022 жылдың 25 мамыр күні мектебіміздің алаңында «Сыңғырла, соңғы қоңырау» атты салтанатты жиын болып өтті. Салтанатты жиынымыз сап түзеп, Қазақстан Республикасының Әнұранымен басталды. Жиынның құрметті қонақтары-Атбасар ауданының әкімі Қалжанов Аманбек Амирхамзаұлы және Атбасар ауданы Білім бөлімінің басшысы Н.Г. Наймушина қатысты.
Мектебіміздің директоры- К.А. Есмагамбетова оқушыларды соңғы қоңырау мерекесімен  құттықтады және де мектебіміздің оқу ісінің меңгерушісі- М.Е.Шакеева 2021-2022 оқу жылының бұйрықтарымен таныстырып, оқушыларды  оқу жылының аяқталуымен құттықтады. Ата – аналар тарапынан мектебіміздің ата – аналар комитетінің төрайымы - А.С. Қайырбаева алғыс хатпен марапатталды. Түлектеріміздің алғашқы ұстаздары: Үндібаева Балым Мизамовна және   Сатова Рыскүл Абдуахитовна, сонымен қатар сынып жетекшілері: Тоқбергенова Айгерим Кайроллаевна, Асқар Ерлан, Искакова Бағила Нұрбековна түлектерге ақ жол тіледі. Мектеп түлектерінің құрметіне « Ұстаз- Ана»  әнін мектебіміздің дарынды әншілері шырқап, күйін шертті. Мектебіміздің озат оқушысы-Мырзағұл Арай 2021-2022 оқу жылының түлектерінің атынан ұстаздарға, ата – аналарға жылы лебізін білдірді.Салтанатты жиын соңында түлектеріміз соңғы мектеп вальсын және «Соңғы қоңырау» әнін орындап, соңғы қоңырауларын соқты. Мектебіміздің дәстүрі бойынша түлектер мектеп алаңына жас көшеттер отырғызды.