Ақмола облысы білім басқармасының Атбасар ауданы бойынша білім бөлімі Атбасар қаласының № 7 жалпы орта білім беретін мектебі»КММ «1-қыркүйек - Білім күні»

Ақмола облысы білім басқармасының Атбасар ауданы бойынша білім бөлімі Атбасар қаласының № 7 жалпы орта білім беретін мектебі»КММ 

«1-қыркүйек -  Білім күні» 
   2022-2023 оқу жылының 1-қыркүйек күні мектебіміздің 1-11 сынып оқушылары үшін  қаламыздың орталық алаңында өтті. Салтанатты жиын Мемлекеттік гимнімен баталды. Салтанатты жиынымыздың құрметті қонақтары: Атбасар ауданының маслихатының хатшысы-Комбатуров Бірлік Төлегенұлы және Атбасар ауданы білім бөлімінің бас маманы Айнаш Тулебековна Исасейтова мектеп ұжымын, ата – аналарды, мектеп оқушыларын, 1 сынып бүлдіршіндерін білім күнімен құттықтап, жылы лебіздерін білдірді. Мектеп директоры К.А.Есмагамбетова ата – аналарды, 1 сынып оқушыларын атаулы мерекемен құттықтады. Оқу ісінің меңгерушісі Мина Ескеновна Шакеева 2022-2023 оқу жылының басталуы туралы бұйрығымен таныстырды. Оқу жылы мектеп оқушылары үшін « Білімге ұмтылу, еңбексүйгіштік және отаншылдық»  атты тәрбие сағатымен басталды.  Сынып жетекшілері арнайы нұсқаулыққа сәйкес арнайы презентациялар, қосымша ресурстарды пайдалана отырып, тәрбие сағаттарын жүргізді. Мектеп Парламенті және Жас ұлан балалар ұйымының белсенділері Мектеп оқушыларын және жас бүлдіршіндерді оқу жылының басталуымен құттықтап, білімге ұмтылуға үндеу тастады. 11 сынып оқушылары  бүлдіршіндерге ең алғашқы оқулықтары әліппені табыс етіп алғашқы қоңырауды жұп болып соқты. Ата – аналар тарапынан Абылқайырова Гүлмай және Тұрмағамбетова Асемгуль Ертаевна бүлдіршіндерді алғашқы қадамдарымен шын жүректерінен құттықтады. Мектебіміздің 11 сынып оқушылары  атынан Нұрдыбек Айдана мектеп табалдырығын аттағалы тұрған бүлдіршіндерге сәттілік тілеп, оқу озаттары болуларына тілектестігін білдірді. Жиын соңында бүлдіршіндеріміз Әліппелерін қолдарына ұстап, 11 сынып оқушыларымен бірге мектепке аяқ басты.