Текст
«Дос болайық!» буллинг пен кибербуллингтің алдын алу апталығының ашылуы
2025 жылдың 24 қараша күні мектебімізде «Дос болайық!» атты буллинг пен кибербуллингтің алдын алуға бағытталған апталықтың ашылу рәсімі өтті. Іс-шараны педагог-психолог Жумашова Жанар Оразовна ұйымдастырып, өткізді.
Шара барысында оқушыларға апталықтың мақсаты таныстырылып, буллинг пен кибербуллингтің түрлері, олардың салдары туралы ақпарат берілді. Сонымен қатар «Достық анты» қабылданып, «Жақсы сөз – жүрекке қуат» атты жылы тілектер флешмобы ұйымдастырылып, «Тәтті сыйлар» атты іс-шара өткізілді.
Іс-шара оқушылар арасында бір-біріне қолдау көрсету, сыйластық, достық қарым-қатынасты дамытуға бағытталды.
